Павлодар көркем сурет колледжі 1996 жылы 24 мамырда құрылды. Үш мамандық ашылды: графикалық дизайн, интерьер дизайны және киім дизайны. Білім беру қызметін жүргізуге лицензия Қазақстан Республикасы Білім және ғылым министрлігімен шексіз мерзімге № 0024545 берілді. 1998 жылдан бастап 2020 жылға дейін жоғарыда аталған мамандықтар бойынша 511 адам колледж бітірді. Бүгінгі таңда білім алушылардың контингенті 110 адамды құрайды. Колледж оқытушыларының 80% жоғары және бірінші санатты, 20% - екінші санатты. Жоғары санатты оқытушы А.И. Кисамиденова жас ұрпақты тәрбиелеудегі педагогикалық қызметі үшін Қазақстан Республикасы білім және ғылым министрлігінің құрмет грамотасымен марапатталды. Колледждің білім алушылары Алматыда өткен «Самғау» халықаралық фестиваліне қатысып, «Сурет» және «Кескіндеме» номинациялары бойынша Гран-при жеңіп алды. Колледждің білім алушылары мен түлектері жыл сайын M * Art шығармашылық көрмелеріне, Павлодар облыстық көркем сурет мұражайы ұйымдастыратын Ертіс пен Қазақстанның танымал суретшілері туралы конференцияларға қатысады. Олар Астанадағы халықаралық «Шабыт» шығармашыл жастар фестиваліне, түрлі қалалық фестивальдарда өтетін граффити-шоуларға қатысады, олар әртүрлі номинациялар мен түрлі бағыттар бойынша жүлделі орындар алады. 2009 жылдан бастап колледж білім алушылары облыстық Дельфий ойындарына қатысып, бірінші жүлделі орындарды иеленеді, содан кейін Республикалық Дельфий ойындарына қатысады.

Мамандықтар

Колледж «Дизайн» мамандығы бойынша білім алушыларды екі бағытта дайындайды: «Интерьер дизайны» және «Графикалық дизайн». Колледж сурет, кескіндеме, қағаз пластиктері, жалпы және арнайы пәндер кабинеттерімен, компьютерлік сыныппен жабдықталған. Оқу сабақтарын тәжірибелі, білімді оқытушылар жүргізеді. Атақты суретшілермен шығармашылық кездесулер ұйымдастырылады, шеберлік сыныптары өткізіледі. Колледжді бітіргеннен кейін түлектер мемлекеттік үлгідегі диплом алады және Қазақстан мен Ресей Федерациясының университеттерінде, сонымен қатар Еуропадағы университеттерде оқуын жалғастыруға мүмкіндік алады. Колледж білім алушылары үшін көптеген жылдар бойы тәжірибе базаларымен жұмыс істейтін әлеуметтік серіктес болып табылатын қала мен облыстың кәсіпорындарымен ынтымақтастық жасайды. Түлектерді жұмысқа орналастыру қала мен облыстың мемлекеттік және жеке меншік кәсіпорындарында жүзеге асырылады.

Ынтымақтастық

Павлодар көркем сурет колледжде әлеуметтік серіктестікті дамыту бойынша жұмыс жүргізіледі. Көпжылдық ынтымақтастық барысында колледж білім алушыларын өндірістік және диплом алдындағы кәсіпорындармен келісімдер жасалды: «Деко АРТ» ЖШС, «PROFI» фотополиграфиялық орталығы, «Куприянова» ЖК, «Проксима» ЖШС, «Dream HOUSE» ЖШС, «Пирамида ПВ» ЖШС, «Print SIDE PV» ЖШС, «Самал» ТК, кейін онда түлектер жұмысқа орналасады. Қаланың басқа кәсіпорындарымен кәсіби тәжірибе келісімшарттарын жасау бойынша белсенді жұмыс жүргізілуде. Колледжде халықаралық ынтымақтастық дамуда: Барнаул өнер институтымен, медиа индустрияның дизайн және технология кафедрасымен, Омбы мемлекеттік технологиялық университетімен және Новосібір мемлекеттік педагогикалық университетімен бірлескен іс-шаралар, халықаралық конференциялар өткізіледі. Колледж оқытушылары Қазақстан, Ресей университеттерінде, сондай- ақ кәсіпорындарда тағылымдамадан өтеді.

Іс – шаралар

Павлодар көркем сурет колледжінде оқу жылы барысында іс – шаралар өткізіледі: 1 қыркүйек, Қазақстан Республикасының Тәуелсіздігіне арналған сынып сағаттарын өткізу. Павлодар облысы бойынша тілдер айлығы аясында колледжде «Тілдер апталығы» өтті, оның аясында колледж білім алушылары арасында қазақ, ағылшын және орыс тілдерінде мәнерлеп оқу конкурстары, сонымен қатар 1 және 2 курс білім алушылары қатысатын мерекелік концерт ұйымдастырылды;
Қазан айының бірінші аптасы халықаралық мұғалімдер күніне арналған, өзін-өзі басқару өткізілді;
Қазан айының соңында «Студенттерге бастама» акциясы өтеді, онда бірінші курс білім алушылары колледж студенттерінің қатарына қабылданады және конкурстар өткізіледі;
Қараша айында Дүниежүзілік жастар күніне орай «Жастарға барлық жерде жол бар» акциясы ұйымдастырылды;
С. Торайғыров атындағы Павлодар облыстық кітапханасында Қазақстан Республикасының Тәуелсіздік күніне, Қазақстан Республикасының Тұңғыш Президенті күніне арналған колледж оқытушылары мен түлектерінің жұмыстарының көрмесі өткізіледі;
1 желтоқсанға қарай колледжде Халықаралық ЖИТС-ке қарсы күніне арналған плакаттар байқауы өткізіледі, ең жақсы жұмыстар «Сен жалғыз емессің» үкіметтік емес ұйымы ұйымдастыратын постер байқауына жіберіледі;
16 желтоқсанға қарай Қазақстан Республикасының Тәуелсіздік күніне орай Бұқар Жырау атындағы мұражаймен бірге іс-шара өткізіледі;
Желтоқсан айының соңында «Жаңа жыл планетада серуендейді» 1-4 курс білім алушылары үшін жаңа жылдық кеш өткізіледі;